Лиса Мери Присли почина на 54-годишна возраст.
Ќерката на легендарниот Елвис Присли синоќа имала срцев удар во својот дом во Калабасис кратко време откако се пожалила на болки во стомакот. Пејачката била одведена во болница, но за жал не успеала да се избори за својот живот.
Нејзината мајка Присила ја потврди лошата вест.
„Со тешко срце морам да ја споделам ужасната вест дека нè напушти мојата убава ќерка Лиса Мери. Таа беше најстрасната, најсилната и најгрижливата жена која некогаш сум ја познавала. Ве молам за приватност додека се обидуваме да се справиме со оваа огромна загуба. Ви благодарам на сите за љубовта и молитвите“ – стои во нејзината изјава.
Пред само два дена, Лиса Мери со мајка си присуствуваше на доделувањето на наградите Златен глобус и беше пресреќна кога Остин Батлер го доби глобусот за Најдобар актер за портретирањето на нејзиниот татко во филмот „Elvis“. Во кратко интервју на настанот, таа сподели дека филмот многу ѝ се допаднал и дека имала можност да се запознае со Остин.
Лиса Мери е едиснтвено дете на Елвис и Присила.
