Џенифер Анистон е современа дама во едиторијал на „Harper’s Bazaar“. 45-годишната актерка позираше за Мелвин Соколски во сексапилни фустани од модните куќи Гучи, Версаче, Емилио Пучи и Мајкл Корс.
Во интервјуто за списанието, Анистон зборувала за својот свршеник Џастин Теру. „Не само што е добар актер, тој е и еден од најдобрите писатели на комедии. И режира и црта мурали. Многу е привлечно да бидеш добар во толку многу нешта, а да немаш его. Тој е еден од најскромните и чесни човечки суштества. Невозможно е да ни биде здодевно. Се имаме обидувано! Дури и тогаш е интересно, бидејќи неговите очи се многу убави. Можеме да зборуваме бескрајно, што е навистина одлично“ – рекла таа.
Анистон гордо споделила дека повеќе се забавува откако наполнила 40 години и дека е умерено амбициозна. „Не живеам за да работам, работам за да живеам. Го сакам мојот дом, ги сакам моите кучиња, ги сакам моите пријатели, ја сакам едноставноста на гледањето на зајдисонце“ – изјавила таа.
Џенифер започна интензивно да го промовира својот нов филм „Horrible Bosses 2“.
