Селена Гомез не е повеќе срамежлива Дизни ѕвезда, туку девојка која не се плаши да го покаже својот сексапил. За фотосесија за списанието „Glamour“ 20-годишната пејачка и актерка изгледа привлечно и заводливо во фустани кои го разголуваат нејзиното деколте.
Фотосесијата направена од Елен фон Анверт е за декемвриското издание на списанието во кое Селена е прогласена за „Жена на годината“, заедно со уште неколку инспиративни жени како Ени Либовиц и Лена Данхам.
Во интервјуто Селена зборувала за нејзината соработка со УНИЦЕФ, фановите на Џастин Бибер и пријателството со Тејлор Свифт.
За УНИЦЕФ и патувањето во Гана: Кога отидов во Гана со мајка ми и очувот за УНИЦЕФ, целото патување ми го промени животот. Имаше деца кои си играа со пластични шишиња. Имаа ластичиња со кои ги врзуваа шишињата и правеа топка за фудбал. Тоа беше нивната забава, беа толку многу среќни! Помислете како ние живееме денес, нам ни треба многу за да се забавуваме и имаме високи очекувања. А тие деца, само сакаат образование. Јас мразев домашна работа, а тие ја сакаат, тоа е прекрасно. Исто така учествував во кампањата „Live Below the Line“ и една недела живеев со само 1,50 долари дневно – тоа беше кул искуство.
За фановите на Џастин Бибер: Ги обожавам неговите фанови. Никогаш не би покажала непочитување кон нив. Ги сфаќам: Јас бев опседната со Џеси Мекартни додека растев! Тој беше мојот свет. Мојата симпатија од средно.
За тоа дали често се сретнува со Џастин Бибер и Тејлор Свифт: Со Тејлор разговаравме минатата седмица и двете се согласивме: „Не се сеќавам кога беше последниот пат кога те видов“. Тоа е жалосно. Но, ако стане премногу критично, ќе одлетам кај Тејлор или дома или кај Џастин.
