Уште откако започна свадбената церемонија, сите стискаа палци да не заврне дожд за првиот јавен брачен бакнеж на Кејт и Вилијам на балконот на Бакингемската палата.
Илјадници ентузијасти се насобраа пред кралската палата за да можат со свои очи да го видат младиот брачен пар.
За разлика од повеќето свадбени церемонии на кои невестата и младоженецот се бакнуваат пред олтарот, кралските млади брачни парови се воздржуваат за време на церемонијата.
И како во приказните, по свадбата, принцот и принцезата го имаа својот прв бакнеж. Присутните незадоволни од краткиот срамежлив бакнеж, на цел глас викаа „Kiss, kiss, kiss“, а на заљубените Кејт и Вилијам не им требаше многу убедување, па пред очите на сите се бакнаа уште еднаш.
Првиот и вториот бакнеж на Кејт и принцот Вилијам
Вториот бакнеж
Со широки насмевки и блесок во очите, Кејт и Вилијам ја поздравија насобраната топла и влегоа во огромната палата каде што ќе ја поминат првата брачна ноќ.