Бременоста и породувањето на Бијонсе беа најголемите вести во светот на шоу-бизнисот изминатиов период, проширувајќи се на Интернет со брзина на светлината. Но, и откако Бијонсе ја донесе на свет малата Блу Ајви Картер, заинтересираноста на обожавателите на познатиот музички пар не опадна.
Интернет порталот TMZ успеа да дојде до фотографии од болничкиот апартман во кој се породуваше 30-годишната пејачка. Луксузната породилна соба е опремена со комфорен мебел, 4 телевизори и ѕидови од махагони.
Претставник на „Ленокс Хил“ негираше дека болницата го создала удобниот апартман специјално за Бијонсе и истакнал дека познатата пејачка само била доволно среќна за да биде првиот пациент таму.
Наспроти првичните информации дека Бијонсе се породила со царски рез, во соопштението за јавноста од славниот пар стои дека Бијонсе се породила по природен пат.
„Нејзиното раѓање беше емоционално и екстремно смирувачко, ние сме во рајот. Таа се роди природно со здрави 3,2 килограми и тоа беше најубавото искуство во нашите животи“ – пишува во соопштението.