Поранешните членови на една од најпознатите групи на сите времиња „Abba“ се обединија повторно на едно место, за првпат по осум години. Агнета Фалтског, Бјорн Улвеус, Бени Андерсон и Ани-Фрид Лингштад присуствуваа на отворањето на ресторан во Стокхолм.
Темата на ресторанот е инспирирана од филмот „Mamma Mia“, мјузикл базиран на песните на неповторливиот шведски бенд. Таверната ја поседува Улвеус, па сосема е разбирливо што гостите ќе можат да уживаат во својот оброк додека во позадина свират песни од Abba, а пред нив се изведува театар според хитот „Mamma Mia“.
Талентираните музички ѕвезди настапија на Евровизија во 1974 година и ѝ донесоа победа на Шведска со песната „Waterloo“.
Еве како изгледа новиот ресторан на Улвеус
Претходно, познатите пејачи беа фотографирани заедно во 2008 година на премиерата на „Mamma Mia“.
Abba на премиерата на Mamma Mia во 2008 година
