ФОТО: Енрике Иглесијас со крвава рака го продолжи својот концерт откако дрон му ги пресече прстите

Енрике Иглесијас доживеа незгода на сцена во Тихуана, Мексико, но продолжи да ја забавува публиката.

Популарниот пејач не го прекина својот концерт, откако дрон му пресече два прста и пееше пред 12.000 лица со крвава маица и преврзана рака.

Претставник на 40-годишниот музичар објаснил дека за време на концертите се користи дрон за да се добијат снимки од публиката и дека понекогаш Енрике го фаќа дронот за да има позабавни снимки од него. Во соопштението за медиуми било објаснето и дека Енрике бил преврзан зад сцената, но иако бил советуван да го прекине концертот, тој продолжил да пее уште 30 минути.

Фановите на Енрике објавија повеќе фотографии од концертот и упатија многу комплименти кон славниот пејач за тоа што постапил како вистински професионалец.

Во еден момент, Енрике со крв нацртал срце на својата бела маица.

По концертот во Мексико, кој е дел од светската турнеја „Sex and Love“, Енрике веднаш бил префрлен кај специјалист во Лос Анџелес.