Ева Лонгорија и Викторија Бекам присуствуваа на хуманитарна гала на „Global Gift Foundation“, непрофитна организација фокусирана на олеснување на животот на деца, жени и семејства.
Добрите пријателки на црвениот тепих зачекорија во слични црни фустани од ателјето на Викторија Бекам.
Со славните дами позираше и Рики Мартин. 42-годишниот пејач и Лонгорија беа домаќини на свеченоста, додека Викторија ја прими наградата „Philanthropreneur“.
Шармантната ѕвезда од серијата „Desperate Housewives“, која подолго време има блиска соработка со „Global Gift Foundation“, неодамна објасни дека нејзината сестра ја мотивирала да се занимава со хуманитарна дејност. „Израснав со сестра со специјални потреби. Таа е прекрасна личност и светлина во животите на сите во моето семејство“ – рекла Лонгорија.
Меѓу гостите на хуманитарниот настан, кој се одржа во хотелот „Four Seasons“ во Лондон, беше и Никол Шерцингер.
