Пред еден месец британските медиуми наголемо пишуваа за астрономските трошоци на Кетрин за облека, истакнувајќи дека од почетокот на годината војвотката од Кембриџ има потрошено околу 35.000 фунти.
Но, вчера Кетрин уште еднаш покажа дека не ѝ се потребни скапи дизајнерски креации за таа да изгледа како вистинска дама. На спортски настан кој се одржал во „Bacon’s College“, таа се појавила во фустан од брендот Hobbs, кој чинел само 35 фунти. Се разбира, фустанот е распродаден.
Кетрин, принцот Хари и принцот Вилијам
Шармантната Кетрин го искомбинирала летниот фустан со беж еспадрили со висока полна потпетица и минимални модни додатоци.
На настанот, кој го означил стартот на програма за потпомагање на надежните спортисти, присуствувале и принцот Вилијам и принцот Хари.
Тројцата членови на кралското семејство се вклучиле во спортски активности. Додека Кетрин играла малку фудбал, пинг понг и вежбала џудо, Вилијам се обидел да се докаже на фудбалскиот, а Хари на кошаркарскиот терен.
Спортскиот дух владее во Лондон, каде што денес е отворањето на Летните олимписки игри.