Гламурот владее на француската ривиера. Отворањето на Канскиот филмски фестивал повика филмски ѕвезди кои се стремат да го покажат најдоброто од својот вечерен стил.
Џејн Фонда е редовна гостинка на меѓународниот фестивал, а нејзиното присуство никогаш не останува незабележано. И во осмата деценија од животот, грациозната актерка изгледа фантастично.
На синоќешната церемонија по повод отворањето на фестивалот, 76-годишната ѕвезда се појави во блескав фустан од високата мода на Ели Сааб. Црвената креација е од колекцијата есен/зима 2013-2014.
Фонда со Зое Салдана и Блејк Лајвли
Фонда верува дека физичката активност е клучот за доброто здравје и атрактивниот изглед. Таа стана фитнес гуру во 80-тите години и досега има издадено 24 видеа за вежбање. Сепак, Џејн не крие дека неколкупати има побарано мала помош од пластични хирурзи за подобрување на лицето и телото.
Фустанот кој Фонда го носеше во Кан е речиси идентичен на фустанот со кој Анџелина Џоли одушеви на доделувањето на Оскарите.
