Мануши Чилар е новата Мис на светот. 20-годишната мисица од Индија се истакна помеѓу 118-те убавици кои учествуваа во трката за посакуваната титула на натпреварот за убавина, кој се одржа во Кина.
Убавицата, која е студентка по медицина, ја прими блескавата круна од минатогодишната победничка Стефани дел Вал.
На прашањето која професија според неа заслужува најголема плата и зошто, таа одговори дека тука не е важна плата и дека МАЈКАТА заслужува најголема почит.
„Сметам дека мајката заслужува најголема почит. Не сметам дека е за платата, туку за љубовта и почитта која таа му ја дава на некого. Таа е најголемата инспирација во мојот живот. Мајката треба да добие најголема почит“ – изјави таа.
Оваа титула за првпат по 17 години отиде во Индија, откако во 2000 година славната актерка Пријанка Чопра победи на престижниот натпревар.
За прва придружничка беше избрана Мис Мексико, додека титулата втора придружничка ја доби Мис Англија.
