Не е тајна дека Џенифер Лопез е во завидна форма благодарение на дисциплинираноста. Новите папарацо фотографии од 45-годишната пејачка ќе ве поттикнат да ги оставите грицките и да скокнете на нозе мотивирани за новиот тренинг.
Славната актерка и пејачка беше фотографирана по тренинг со Трејси Андерсон во Вест Холивуд, Калифорнија.
Тонираниот стомак го зароби вниманието на бројните фанови на Лопез, па непрекинато се множат коментарите дека таа е вистинска фитнес инспирација.
Познатата инструкторка Андерсон објави и видео во кое се шегува дека ќе ја изгуби работата поради интересна книга додека тренира со Лопез.
Loading
Лопез изгледа фантастично за својата возраст, а вели дека годините не треба да определуваат како да се чувствува една личност. „Мораш да знаеш дека не исчезнуваш откако ќе наполниш 28 години. Можеш да бидеш тука, можеш да бидеш полна со живот и млада и секси“ – изјави таа за „The Insider“.
