Каролина Гочева со изведба која разнежува душа ја започна манифестацијата по повод отворањето на ИФФК „Браќа Манаки“.
41-годишната ѕвезда заедно со нејзиниот сограѓанин и соработник Никола Мицевски настапи на сцената во Пациото на Завод и Музеј – Битола.
„Пред да си одам од бина, сакам да кажам колку големо задоволство ми е што сум вечерва овде, затоа што, како битолчанка, уште од дете многу често, скоро секоја година, приватно сум го посетувала Фестивалов, но оваа година првпат добив официјална покана и сакам да се заблагодарам на организаторот што се сетија на мене. Фала ви. Вечерва ви отпеав неколку музички нумери од филмови, од различни временски периоди, а во тоа ми помогна мојот долгогодишен соработник и пријател, исто така битолчанец, Никола Мицевски“ – рече таа.
Музичкиот микс на Каролина ги вклучуваше незаборавните „Over the Rainbow“, „Perfect Day“ и „Kiss from a Rose“.
Видео
