Разделбите и разводите во Холивуд продолжуваат. Том Круз и Кејти Холмс се разведуваат. Веста за разделбата ја потврдил адвокатот на актерката.
Кејти и Том на забавата на Vanity Fair
„Ова е лична и приватна работа за Кејти и нејзиното семејство. Нејзина основна грижа остануваат, како и секогаш, интересите на нејзината ќерка“ – изјавил адвокатот на Кејти за People.
49-годишниот актер се ожени со 33-годишната актерка во Италија во ноември 2006 година. Заедно имаат една ќерка, 6-годишната Сури.
Нивниот брак се сметаше за еден од најстабилните во Холивуд и досега не се појавија гласини дека холивудската двојка има брачни проблеми.
Кејти и Сури
Ова беше прв брак за Кејти, а трет за Том. Славниот актер претходно беше во брак со Никол Кидман и Мими Роџерс.