Брус Вилис ретко може да се види во јавност поради напредувањето на неговата болест.
Сред битката со деменција, 70-годишниот актер беше фотографиран на прошетка во Лос Анџелес придружуван од неговиот негувател. Брус изгледаше расположено, дури и се смееше во еден момент.
Ѕвездата од „Die Hard“ се повлече од глумата во 2022 година и соопшти дека му била дијагностицирана афазија. Подоцна, беше соопштено дека станува збор за фронтотемпорална деменција.
Поради влошувањето на состојбата на холивудскиот актер, неговата сопруга Ема Хеминг одлучи тој да живее во посебен дом каде ќе добива соодветна нега. Тоа ѝ била најтешката одлука во животот, но била најдобрата опција кога се во прашање нивните две деца. „Прво и основно, знаев дека Брус тоа би го сакал за нашите ќерки. Тој би сакал да живеат во дом кој е скроен за нивните потреби, а не за неговите“ - појасни таа.
Новиот дом на Брус бил во нивна близина за да можат често да поминуваат време заедно како семејство.
Неодамна се одржа настан во чест на Брус, на кој присуствуваше и неговата поранешна сопруга Деми Мур, со која останаа пријатели по разводот. Тие имаат три ќерки.
Брус и Ема се родители на Мабел и Евелин.
