Марија Килибарда го доби првото дете со Бане Вучелиќ.
Убавата српска водителка стана мајка на 44 години, а нејзината новородена ќерка го добила името Сења. Марија се породила во приватна болница во Белград, а пораѓањето поминало во најдобар ред.
Марија, која беше водителка во шоуто „Твоето лице звучи познато“, е во врска со Бане веќе четири години.
„Првпат во животот партнерот ми е најдобар пријател. Порано мислев дека тоа не го сакам, дека имам свои пријатели, дека од партнерот ми се потребни други работи. Дека секој ден мора да се случува огномет од страст и дека мораме сè да правиме заедно. Таквата врска гуши. Таквиот однос не е здрав, не е квалитетен долгорочно.“
„Вистинската работа е да имаш некој чиј број ќе го свртиш кога и да ти се случи нешто важно. Го сакаш неговото мислење, знаеш дека ти е ветер во грбот и поддршка“ – рекла таа во една прилика.
