Вчера беше промовиран спотот на Ѓоко Танески за песната „Јас ја имам силата“ со која ќе нè претставува на Евровизија 2010 во Осло, Норвешка. Видеото е изработено од „Томато продукција“, а е во режија на Бане Поповиќ.
Иако неофицијално беше најавено дека на крајот од спотот ќе бидат испишани зборовите My name is Macedonia (Моето име е Македонија), по желба на режисерот пораката на спотот е My name is love (Моето име е љубов).
Во спотот, освен Ѓоко се појавуваат раперот Били Ѕвер, гитаристот Дамјан Пејчиноски и десетина македонски манекенки. Облечени во пролетни креации на дизајнерката Елена Лука, македонските убавици го разубавуваат спотот.
Погледнете го спотот што треба да ја освои европската публика.