Безвременска убавина, италијанска сензуалност и грациозност на богиња, Моника Белучи е дамата која континуирано фасцинира и изнудува восхит со децении наназад. Денес филмската дива го прославува својот 50. роденден и влегува во шестата деценија од животот со импресивно уметничко резиме.
Белучи смело освојува со женственоста, талентот и смелиот заводлив поглед и поттикнува реномирани модни куќи и филмски режисери да се борат да ја регрутираат. Долче и Габана непрекинато ја посочуваат како своја муза и се инспирираат од нејзината класична убавина.
Преку големото платно обожавателите се вљубија во Белучи благодарение на филмовите „Malèna“, „L'Appartement“, „Brotherhood of the Wolf“, „The Matrix Revolutions“, „The Passion of the Christ“ и „The Brothers Grimm“. Препознатливото лице и сексапилот на Белучи биле во фокусот на бројни рекламни кампањи на луксузни брендови и модни едиторијали.
Шармантната мајка на две девојчиња заслужено се вбројува меѓу најубавите жени на светот.
