Криси Тиген постојано споделува фотографии без филтри и Фотошоп кои ја отсликуваат реалноста.
Познатиот модел на Instagram сподели видео во кое ги покажува стриите кои ѝ се појавиле на телото по втората бременост.
Во видеото, 32-годишната сопруга на Џон Леџенд вели дека кремите не ѝ помогнале доволно и дека и покрај добрата нега и грижа за телото во бременоста, сепак ѝ се направиле стрии на колковите.
Криси го роди второто дете пред две недели. Момчето го доби името Мајлс Теодор Стивенс. Таа и Џон имаат и двегодишна ќерка Луна.
Само пет дена по породувањето, Криси сподели фотографија на која носи гаќи за родилки.
Тиген и пред двете бремености имаше споделено фотографија од стриите на бутовите.
