Џорџ Клуни и Амал Аламудин ја крунисаа својата љубов со брак во романтичната Венеција, а четиридневната прослава го привлече вниманието на светската јавност.
Првите фотографии од самата венчавка беа објавени од списанијата „People“ и „Hello!“, а младенците споделија и детали од големиот ден.
Невестинскиот фустан на 36-годишната успешна адвокатка и активистка е дело на Оскар де ла Рента. Венчаницата од француска чипка била декорирана со бисери и блескави камења кои имитирале дијаманти. „Тој е многу елегантен дизајнер и многу елегантен човек“ – рекла Амал за искусниот креатор.
Популарниот зет пак му го довери изгледот на својот долгогодишен пријател Џорџо Армани.
Парот се венча во саботата за време на 30-минутна церемонија на која присуствувале околу 100 гости. „Се запознавме во Италија. Имаме дом таму. Знаевме дека таму сакаме и да стапиме во брак“ – рекол Клуни.
Вчера попладне младенците склучија и граѓански брак. За свечената пригода Аламудин носеше бела креација од Стела Мекартни со елегантен шешир.
Погледнете и фотографии од свадбениот викенд на славниот пар.
