Пред помалку од два месеци, Миранда Кер и Еван Спигел се заколнаа на вечна љубов на интимна церемонија во дворот на својата куќа во Брентвуд, Лос Анџелес.
Модната библија „Вог“ ги има ексклузивните фотографии од венчавката на славниот пар.
Шармантната невеста блесна во венчаница од високата мода на Диор, дизајнирана од Марија Грација Кјури.
Во видеото, 34-годишната манекенка открива дека невестинскиот фустан бил инспириран од венчаницата на Грејс Кели.
„Морам да признаам дека Миранда не е тешка личност за соработка. Сакаше нешто како излезено од бајка и ми даде идеја да направам фустан кој ќе биде истовремено емоционален и едноставен“ – изјавила дизајнерката.
ВИДЕО
Поранешниот ангел на Victoria’s Secret и основачот на Snapchat ја започнаа својата врска пред две години, а објавија дека се верија во јули минатата година.
Ова е втор брак за Кер, која претходно беше во брак со Орландо Блум. Миранда и Орландо заедно имаат едно дете – шестгодишниот син Флин.
