„Плачам додека го пишувам ова“: Џесика Алба со слатка порака за 16-тиот роденден на ќерката
Поголемата ќерка на Џесика Алба наполни 16 години.
43-годишната актерка не пропушти да го одбележи специјалниот датум кога стана мајка. На социјалните мрежи, Алба сподели видео составено од стари снимки и кадри од нејзината ќерка Хонор.
Во описот, таа напиша:
Моја слатка 16-годишна Хонор.
Плачам додека го пишувам ова. Најнежното чувство на светот е да бидам твоја мајка. Твојот сладок, но мудар карактер од првиот ден дозволува да ти бидат блиску само оние на кои им веруваш. Тоа е инспиративно... Можеш да ги намирисаш лажните луѓе како никој друг. Љубезна си и се грижиш за сите околу тебе. Ја имаш развиено таа неверојатна способност да им помагаш на другите без да се вовлекуваш во драма и си рамото на кое сметаат многумина.
Со татко ти сме горди што го избираш она што е правилно, а не она што е кул, што го поставуваш менталното здравје над сè останато и што непоколебливо ги следиш соништата... Ти ме избра да ти бидам мајка девојченце и тоа ми е најголемиот дар, ангелу мој. Те сакам повеќе отколку што може да се искаже со зборови. Пребрзо растеш за мене, но не можам да бидам погорда.
Хонор е ќерка на Алба и нејзиниот сопруг Кеш Ворен. Тие имаат уште две други деца, 12-годишната Хевен и 6-годишниот Хејс.
