Најстарата актерка на светот: Србинката Бранка Веселиновиќ денес го слави 104-тиот роденден
Бранка Веселиновиќ денес наполни 104 години и стана најстарата актерка на светот.
Српската глумица ја доби оваа титула по смртта на холивудската ѕвезда Марша Хант (104), која почина на 7 септември оваа година.
Веселиновиќ е родена на 16 септември 1918 година во Бечеј. Во својата долгогодишна кариера има глумено во над 100 театарски претстави и има снимено повеќе од 50 телевизиски серии и филмови.
„Често ме прашуваат за тајната на долговечноста, но немам точен одговор. Секогаш бев умерена во сè. Се обидов да ширам добрина, не знаев за завист и суета. Одам, дишам, читам, размислувам. Дали е тоа малку на мои години? Покрај тоа, секој ден запишувам нешто, а сакам и да цртам. Гледам телевизија, слушам музика, денот секогаш ми започнува со гимнастика. Нема здравје без вежбање“ - изјавила Бранка за српските медиуми.
Бранка има добиено многу награди и признанија за својата актерска и хуманитарна работа. Таа ја доби улогата на амбасадор на УНИЦЕФ во 1980 година.