„Му благодарам на Бога што ми даде втора шанса“: Гитаристот на ДНК си замина од болницата во Солун

Горан Тонев е во многу подобра здравствена состојба и вчера конечно ја напушти болницата во Солун во која се лекуваше по ужасниот пожар во дискотеката „Пулс“.

Гитаристот на ДНК, кој е еден од тројцата преживеани членови на бендот, сподели фотографија на својот профил на Facebook.

„Му благодарам на Бога што ми даде втора шанса, му благодарам на целиот персонал од болницата 'Папаниколау' - Солун за неизмерната грижа и нега која ми ја пружија. Исто така сакам да се заблагодарам и на персоналот во Кочани и Скопје. Голема благодарност за сите мои роднини и пријатели коишто се молеа за мене. Моите чувства се измешани, колку што сум среќен толку сум и тажен за загубата на сите деца, а посебно за моите драги колеги и другари. Сочувство за сите фамилии“ – стои на неговата објава.

Во пожарот во Кочани загинаа осум членa на бендот ДНК, кој таа вечер настапуваше за публиката во дискотеката „Пулс“.