„Моето Божилаче полни 16“: Сузана Турунџиева со слатка порака и фотографии за роденденот на ќерката Матеа

Помалата ќерка на Сузана Турунџиева наполни 16 години.

55-годишната македонска пејачка сподели стари и понови фотографии и слатка порака за да ѝ посака среќен роденден на Матеа.

„Денес моето Божилаче полни 16че. Кога беше малечка, ми велеше: „Мамо, ти не си стара, само ти се големи годините“. Сè што можам да посакам на овој Божиќ е да дочека гоолеми, мнооогу поголеми години од моите во здравје и љубов, а јас да бидам до неа и со неа уште минимум 16 родендени. Христос се роди, За многу години Божиќ“ – напиша Сузана.

Турунџиева има две ќерки. Покрај Матеа, таа е мајка и на 24-годишната Лора, која ја има од бракот со поранешниот сопруг Александар Маленко.