Моделот Вини Харлоу гордо ги покажа белите дамки по кожата во фустан од Зухаир Мурад во Кан

Вини Харлоу магнетски привлекуваше на премиерата на „Loveless' (Nelyubov)“ на Канскиот филмски фестивал.

Синиот балски фустан од Зухаир Мурад пленеше исто толку колку и нејзината инспиративна самодоверба. Иако страда од витилиго, болест која се карактеризира со бели дамки по кожата, 22-годишниот модел не се стреми да ја сокрие нејзината здравствена состојба. Напротив, таа се труди да ја потенцира нејзината уникатност.

Додека растела, Вини постојано била исмејувана и навредувана со прекари како „крава“ и „зебра“. Сепак, тие ниски вербални шамари не ѝ ја наведнале главата. Таа смело плива во модните води и сè почесто е гостинка на свечености во светските метрополи и ѕвезда во модни кампањи.