Меланија Трамп во фустан кој самата го креирала со дизајнерот Ерв Пјер на инаугурациските балoви

Сите очи беа вперени во Меланија и Доналд Трамп за време на инаугурациските балови во Вашингтон додека парот танцуваше на „My Way“ од Френк Синатра.

На првите свечености откако нејзиниот сопруг стана претседател на САД, Меланија носеше елегантен фустан со висок шлиц. Креацијата е резултат на соработка помеѓу самата Меланија и дизајнерот Ерв Пјер.

„Чест е да се облекува првата дама. Јас сум голем среќник, бидејќи во 20-те години во кои сум во САД, ги облекував сите први дами: Клинтон во Оскар де ла Рента, Буш и Обама во Каролина Ерера. Па, многу сум среќен и почестен што ја облекувам Меланија, но овој пат под мое име“ – рекол дизајнерот.

„Беше прекрасно искуство! Таа знае што сака. Нашите разговори беа и се многу лесни. Се разбира од мода, како поранешен модел... Имаме ист речник кога станува збор за дизајнирање на фустан“ – дополнил тој.

President Trump and First Lady Melania Trump share their first dance at inaugural ball. https://t.co/1y0n4xdTmX pic.twitter.com/5nStd3HFeX

— ABC News (@ABC) January 21, 2017