Марио Јелиќ-Кун и Исидора Јелиќ ги разнежнија фановите со нови, досега необјавени фотографии од нивната свадба.
Музичарот од групата 2Бона и неговата сопруга објавија романтични кадри од нивниот најсреќен ден, а таа во описот напиша: „Мој засекогаш“.
Исидора блескаше во елегантни венчаници од ателјето Коцарева, додека Марио остана верен на својот урбан стил, комбинирајќи класичен изглед со современ шмек.
Свадбата на македонскиот пар, кој се вери минатата година, се одржа пред три недели. Претходно, тие отворено зборуваа за синдромот поради кој Исидора е родена без матка и не може да износи свои деца.
„Многу беше зрело за нејзините години, затоа што ми го кажа тоа уште пред што било сериозно да имаме јас и таа. Ми кажа: ‘Не можам да останам трудна’, родена сум со синдром. Мене тоа не ми е битно, битно ми е да сум среќен со неа. Јас не сум со неа затоа што таа може мене да ми роди деца. Благодарение на медицината што е толку напредна во ова време, ние имаме успешни три ембриони кои чекаат само да се лансираат во сурогат-мајка, која ќе ги износи 9 месеци и ќе имаме наши деца со наши гени.“
„Во нејзината ситуација е благослов, затоа што нејзиниот синдром овозможува да може да има свои деца. Фактички има здрави јајце-клетки кои се спојуваат со семето на мажот и ние можеме да створиме ембриони“ – рече Марио.
ФОТО: Instagram / Isidora Jelikj, Mario Jelikj Kun
