Пред помалку од еден месец, Лорен Конрад и Вилијам Тел станаа родители на момче. Славниот пар за првпат го претстави пред светот своето синче во фотосесија за People.
За угледното списание, 31-годишната дизајнерка позираше со новородениот Лиам Џејмс и саканиот сопруг.
Лорен изјавила дека за време на бременоста мислела дека нејзиното синче ќе се роди големо и тешко. „Убедена бев дека носам големо бебе, до таа точка што не ни купував облека за новороденче. Во мојата глава тој имаше 4 килограми“ – изјавила Конрад за синчето кое се роди тешко 3,1 килограми.
Конрад признала дека не сака изненадувања и сакала да го знае полот на бебето: „Не сакам изненадувања. Сакам да ги имам сите информации. Го делев моето тело со некого, па сакав да знам колку што е можно повеќе за него“ – рекла таа. „Отсекогаш се надевав дека ќе имам момче. Момчињата се толку забавни“ – додала Лорен.
Конрад и Тел стапија во брак на 13 септември 2014 година.
