Кристин Дејвис, позната по улогата на Шарлот од серијата „Сексот и градот“, стана мајка. 46-годишната актерка пред неколку месеци посвоила девојче кое го добило името Џема Роуз Дејвис.
Кристин Дејвис и Џема Роуз
„Ова е нешто што долго време го посакував. Остварувањето на оваа желба е многу поголемо задоволство отколку што си замислував. Се чувствувам благословена“ – изјавила Кристин за списанието People.
Шармантната Дејвис долги години размислувала за започнување на процес за посвојување. Единственото нешто што ја предомислувало бил фактот што е самохрана мајка. Но, таквите стравови очигледно Кристин ги остави зад себе, создавајќи семејство со малата Џема.
