Криси Тиген и Џон Леџенд го прошируваат своето семејство. Славниот модел сподели дека е во блажена состојба со слатко видео со ќеркичката Луна.
Во кратката домашна снимка, Криси му вели на малото девојче „Што има тука?“, а тоа веднаш одговара „Бебе“.
Во изминативе недели, Криси неколкупати беше фотографирана додека со долги мантили и чанти се обидуваше да го покрие стомачето и со тоа поттикна гласини за втора бременост.
Криси и Џон долги години се бореа со неплодност. Тие се обидувале да имаат бебе ДЕВЕТ години пред да ја добијат Луна благодарение на ин витро оплодување.
Иако засега парот нема споделено каков ќе биде полот на второто бебе, речиси е сигурно дека ќе биде момче. Криси јавно објави дека полот на првото бебе го избрала сама и дека за второто им останал машки ембрион.
„Реков дека следното бебе ќе биде машко, бидејќи таков е ембрионот кој ни останува. Момче. Да“ – напиша таа на Twitter.
Џон и Криси се верија во декември 2011 година, а стапија во брак во септември 2013 година.