Кијану Ривс и Александра Грант престојуваат во Берлин каде холивудскиот миленик го снима продолжението на култниот „The Matrix“. Славниот пар беше фотографиран додека си разменуваше бакнеж пред хотел во германската метропола.
По подолго време, 56-годишниот актер за првпат се појавува со минимална брада и кратка коса. Веројатно новиот имиџ е за потребите на „Matrix 4“ и повторното влегување во улогата на Нео.
Ривс и 47-годишната артистка привлекоа големо внимание минатата година кога за првпат се појавија како пар пред јавноста. Освен што се дискутираа погледите полни со љубов што тие си ги упатуваа, многу коментари беа за седата коса на Грант.
За изборот да не ја бојадисува косата, таа вели: „Ми побеле косата предвреме во моите рани 20-ти години и ја бојадисував во секоја можна боја до момент кога повеќе не можев да ја толерирам токсичноста на фарбите. Во моите 30-ти години, ѝ дозволив на косата да стане „руса“. Ми се допаѓа и го поддржувам тоа што секоја жена може да одлучи како сака да изгледа на секоја возраст.“
