„Кери и Мистер Биг“: Сара Џесика Паркер елегантна покрај Крис Нот на премиерата на продолжението на „Сексот и градот“
Синоќа, во Музејот за модерна уметност во Њујорк се одржа премиерата на мини серијата „And Just Like That“, која е продолжение на хит серијата „Sex and The City“.
На филмскиот настан присуствуваа главните ѕвезди од шоуто.
Сара Џесика Паркер и Крис Нот, кои ги глумат заљубените Кери Бредшо и Мистер Биг, со широки насмевки позираа заедно пред фоторепортерите.
56-годишната актерка шармираше во креација од Оскар де ла Рента.
На свеченоста, Паркер пристигна во придружба на сопругот Метју Бродерик и синот Џејмс.
Крис позираше и со сопругата Тара Вилсон.
