Каролина Гочева имаше настап во Националниот театар на опера и балет на Албанија.
43-годишната македонска пејачка изгледаше фантастично на сцената и доби многу комплименти за својот изглед. За оваа пригода, музичката ѕвезда носеше црна креација од дизајнерката Јована Филиповиќ која ѝ ја истакна витката линија.
„Секогаш прекрасна“, „Светско, а наше“ и „Божица“ – се дел од коментарите на нејзините фотографии од престојот во Тирана.
На една од фотографиите, Каролина позира со музичарите со кои настапува.
Овој месец, Гочева имаше настапи и во неколку градови низ нашата држава. Во Струмица, таа шармираше во црн припиен фустан со блескави детали на ракавите.