Калиопи имаше успешен концерт во Белград, кој ќе го памети засекогаш. Но, две мали обожавателки успеаја да ѝ остават најсилен впечаток и да ѝ го украдат срцето.
Ана и Мила гласно ги пееја нејзините песни, а нивната мајка Данијела сподели видео кое допре до македонската пејачка.
Кога Калиопи дознала дека роденденска желба на малата Ана ѝ е токму таа да ѝ ја пее песната „Rodjendan“, веднаш договорила средба во Скопје со семејството.
Нашата музичарка се појави пред Ана со песна, а потоа ја изненади и со роденденска торта. Малото девојче остана со подотворена уста.
Се сеќавате на Ана и Мила од мојот белградски концерт? Да, да, тоа се тие двете кои ми го „украдоа“ шоуто! И ми го украдоа срцето во истиот момент кога го погледнав нивното видео. Благодарение на нивната прекрасна мајка Даниела, стапивме во контакт и успеавме да ѝ го оствариме сонот на Ана, која пеејќи дома рекла дека би сакала Калиопи да ѝ ја пее „Rodjendan“ за нејзиниот роденден. Затоа што истиот ден му беше роденден и на тато Дејан, одлучија да допатуваат во Скопје, каде ја договоривме нашата средба. Се разбира, Ана и Мила немаа поим за овој наш план.
Сè останато се слики длабоко врежани во сеќавањата кои долго време сите ќе ги носиме во срцата...
И повторно, по не знам кој пат, сфатив зошто и за кого постојам. Ти благодарам животе!
„Благодарение на оваа прекрасна жена, изненадувањето беше успешно за 5-тиот роденден на Ана и 50-тиот роденден на тато“ – напиша мајката Данијела.
