„Зарем не си среќен човек?“: Емра Куртишова со забавна фотографија за годишнината со Петар Стојанов

Емра Куртишова и Петар Стојанов ја прославија втората годишнина од стапувањето во брак.

За да го одбележи овој специјален ден, 39-годишната актерка сподели забавна фотографија со сопругот, кој ѝ е и колега. На неа, ѕвездата од „Преспав“ и нејзиниот сакан глумат во претставата „Куќата на духовите“ на Деан Дамјановски.

„Уште една година мој сопруг! Зарем не си среќен човек? Буаахахахахааа. Среќна годишнина љубави“ – напиша „Исаура“.

Петар шеговито ѝ одговори: „Морам! Само нека се множат! Love you honey“.

И минатата година, парот на невообичаен начин си ја честиташе годишнината.

„Да ни се множат, љубави. Ти си единствениот којшто сакам да го нервирам до крајот на животот. Love youuuuu“ – напиша Емра тогаш.

Емра и Петар стапија во брак во јуни 2023 година, а нивната ќеркичка Лена се роди во октомври истата година.