Елегантни и насмеани: Бред Пит со девојката Инес де Рамон за првпат заедно како пар на свеченост

Бред Пит и Инес де Рамон присуствуваа на првата свеченост како пар.

На Филмскиот фестивал во Венеција, 60-годишниот актер изгледаше среќно додека пристигнуваше со 34-годишната девојка на првото официјално прикажување на неговиот најнов филм „Wolfs“. Инес беше облечена во бел долг фустан на едно рамо.

Парот позираше и со Џорџ и Амал Клуни. Бред и Џорџ ги имаат главните машки улоги во филмот.

Бред и Инес се во врска две години, но досега немаат присуствувано на јавен настан заедно. Ова е првата посериозна врска на Пит по разводот од Анџелина Џоли во 2016 година.