Едина Муса покажа како вежба во 40-тата недела од бременоста: „Последните тренинзи како две души во едно тело“
Едина Муса беше активна и тренираше во текот на целата бременост, а не се откажува од кревањето тегови ниту во 40-тата недела.
33-годишната кошаркарка, која го очекува првото дете со Александар Димитровски-Мачка, покажа како изгледа нејзиниот тренинг денови пред породувањето.
„Еден од последните тренинзи како две души во едно тело. 40 недела“ – напиша таа, а во коментарите веднаш започнаа да се редат пофалби за неа.
Познатиот македонски пар очекува момче.
Едина и Мачка стапија во брак на крајот од ноември минатата година. Ова ќе биде нивно прво заедничко дете. Тој има уште две деца од бракот со пејачката Тамара Тодевска.
