Ева Мендес и Рајан Гослинг го очекуваат своето прво дете. Странските медиуми добиле потврда за бременоста од повеќе блиски лица на актерската двојка и според информациите, Мендес е во седмиот месец од бременоста.
Ева и Рајан сѐ уште ја немаат потврдено веста, што е многу очекувано со оглед на тоа што тие максимално се трудат да го зачуваат приватниот живот зад завеси.
40-годишната актерка за последен пат беше фотографирана во јавност во март, а само еден месец претходно таа негираше дека е во блажена состојба.
Мендес и 33-годишниот актер ја започнаа својата врска во 2011 година. Во 2012 година заедно глумеа во „The Place Beyond the Pines“, а соработуваа и за режисерското деби на Гослинг „Lost River“.
