Џенифер Гарнер има големо срце.
Папараците уловија хумано дело кое го направи 51-годишната актерка на паркинг во Калифорнија. Таа здогледа бездомен маж во инвалидска количка кој беше сосема бос. Најпрво холивудската ѕвезда поразговара со него, а потоа слезе од автомобилот и му облече чорапи на нозете.
Грижливата актерка дури и ги соблече сопствените патики и му ги понуди на човекот, но тие му беа мали.
Откако ги забележа папараците на неколку метри од настанот, Џенифер дотрча кај нив и праша дали може да им ги купи обувките. Се разбира, тие бесплатно ѝ ги подарија, а дури ѝ дале и ќебе.
