„Добар момент е да се биде Србин“: Никола Јокиќ покрај сопругата и ќерката прослави за победата во НБА лигата
Никола Јокиќ беше прогласен за најкорисен играч во финалето од НБА лигата откако ги одведе Денвер Нагетс до победа.
По завршувањето на кошаркарскиот натпревар, 28-годишниот Србин во раце ја зеде едногодишната ќерка Огњена и заедно позираа со трофејот. Подоцна, Никола се фотографираше и со сопругата Наталија Мачешиќ.
Успехот на Никола доаѓа по историската победа на Србинот Новак Ѓоковиќ на Ролан Гарос, кој исто така по мечот позираше со трофејот со семејството. Нивните фанови споделија фотографии од двете фамилии и напишаа: „Семејството е клучот на секој успех“.
Јокиќ на пресот со новинарите истакна дека ова е одличен момент за српскиот спорт.
„Спортот е нешто што во Србија е посебно за сите нас, дури од пред 10, 20 години. Но, сега кога го имаме Ѓоковиќ, кој е веројатно најдобар на сите времиња. За нас секако е секогаш најдобар, а сега кога имаме и НБА шампион, мислам дека е навистина добар момент да се биде Србин“ – рече тој.
