ВИДЕО: Хелен Мирен непрепознатлива како израелската премиерка Голда Меир во филмот „Golda“

Хелен Мирен ја доби главната улога во новиот филм „Golda“. 78-годишната актерка доживеа комплетна трансформација за улогата на поранешната израелска премиерка Голда Меир.

Дејствието во филмот се одвива за време на тешките 19 дена од Јомкипурската војна во 1973 година.

Израелската премиерка Голда Меир се соочува со потенцијалниот ризик од целосно уништување на Израел од страна на Египет и Сирија, а истовремено мора да се справува со скептичниот кабинет составен од мажи и комплексниот однос со американскиот државен секретар Хенри Кисинџер. Нејзиното цврсто лидерство и сочувството на крајот ќе ја одлучат судбината на нејзината нација.

Погледнете го трејлерот за „Golda“

Голда Меир била опишувана како „Железна дама“ во израелската политика пред истиот епитет да биде насочен кон британската премиерка Маргарет Тачер.

Меир поднела оставка од функцијата премиер на Израел во 1974 година, една година по завршувањето на Јомкипурската војна. Починала во 1978 година на 80 години од лимфом.