Стеван Анѓелковиќ беше исправен пред голем предизвик во петтата епизода од четвртата сезона на „Твоето лице звучи познато“.
29-годишниот српски пејач ја доби задачата да се трансформира во нашиот ангел Тоше Проески.
Анѓелковиќ со емоции ја изведе „Игри без граници“, половина на македонски, а половина на српски јазик и доби само пофалби.
„Ти благодарам Стеване што нè потсети на еден од најголемите вокали на сите времиња на овие простори, жалосно што почина толку рано. Не го може тоа секој, ти навистина имаш ангелски глас и ни пренесе емоции со тие твои феноменални висини. Бескрајно уживав во твојот настап. Ти благодарам“ - коментираше Бранко Ѓуриќ Ѓуро.
