Вчера беше објавен првиот тизер трејлер за филмот „Back To Black“ посветен на покојната Ејми Вајнхаус.
Мариса Абела влезе во улогата на пејачката која почина на 27-годишна возраст по труење со алкохол.
„Back To Black“ прикажува досега непознати делови од животот на Ејми во моментите кога стекнуваше светска слава со студискиот албум „Back To Black“, кој стана еден од најпродаваните албуми во британската историја.
„Филмот ја раскажува неверојатната приказна за Ејми Вајнхаус. Сликајќи живописна слика на улиците на Камден кои таа ги нарекуваше свој дом и доловувајќи ги потешкотиите на глобалната слава, ‘Back To Black’ им оддава почит на уметноста, духовитоста и чесноста на Ејми, истовремено обидувајќи се да ги разбере нејзините демони“ – стои во описот.
