Бејли Литрел несомнено ги има наследено гласовните способности од татко му Брајан и полека, но сигурно ги следи неговите стапки.
22-годишниот син на пејачот, кој се прослави како дел од машкиот бенд Backstreet Boys, беше дел од аудициите на American Idol. Бејли свиреше гитара и изведе своја оригинална песна, импресионирајќи ги судиите Кери Андервуд, Лук Брајан и Лајонел Ричи.
Подоцна, нему на сцената му се придружи и неговиот славен татко Брајан и заедно го изведоа рефренот на песната напишана од Бејли, „Waiting On Myself To Die“.
Откако син му доби тројно „Да“ од жирито, Брајан со солзи во очите рече: „Ќе се расплачам. Плачам“.
Додека растеше, Бејли повеќепати се имаше појавено на големата сцена на концертите на татко си.
„Страшно е да се следат стапките на татко ми, бидејќи неговата музичка кариера, за мене, е една од најневеројатните во музичката историја. Никој не може да се споредува“.
„Се сеќавам кога имав 8-9 години и тие распродадоа една огромна арена и имав можност да ја отворам за нив. Имав само две мои мали песни и слегов од сцената. Кога се појавија момците, започна врескањето и светлата и јас бев маѓепсан. Само си реков: ‘О, Боже. Што е ова’“.
„Кога си дете, не се плашиш. Но, кога ќе пораснеш, особено кога си тинејџер, стануваш плашлив. Јас бев таков“ – рекол Бејли, кој се надева дека ќе го направи татко си горд.
