Блејк Лајвли и Џастин Балдони веќе работат на филмската адаптација на популарниот роман на Колин Хувер – „Ова завршува со нас“.
Славните актери беа фотографирани додека снимаа сцени за новиот филмски проект во Њујорк.
Лајвли ќе влезе во улогата на Лили Блум, додека Балдони ќе го глуми машкиот протагонист Рајл Кинкејд.
Книгата ја раскажува приказната за Лили, штотуку дипломирана студентка која се запознава и вљубува во маж кој се вика Рајл. Додека расте нивната поврзаност, во животот на Лили се враќа Атлас Кориган – нејзината прва љубов (врска со минатото што го има оставено зад себе). Тој ќе биде закана за сè што има изградено со Рајл.
Блејк пред само три месеци го роди своето четврто дете и веќе се врати на работа.
