Синоќа најголемите ѕвезди на светската музичка сцена се собраа во „Madison Square Garden“ по повод доделувањето на видео музичките награди на MTV.
На настанот во Њујорк, Бијонсе се појави како изведувач со најголем број на номинации, а си замина како изведувач со најголем број на освоени награди. Во рацете на 34-годишната музичка ѕвезда завршија вкупно осум статуетки меѓу кои најпосакуваната за Видео на годината за „Formation“.
Бијонсе, која на настанот се појави со ќерка си Блу Ајви, победи и во категоријата Најдобро видео на женски изведувач за „Hold Up“, додека „Formation“ ѝ го донесе првото место во повеќе категории меѓу кои Најдобро поп видео и Најдобра кореографија.
Значајната награда „Мајкл Џексон“ заврши во рацете на Ријана, а ѝ беше врачена од Дрејк.
Видео
Калвин Харис ги присвои статуетките за Најдобро видео на машки изведувач за „This Is What You Came For“ за која соработуваше со Ријана и за Најдобро електронско видео за „How Deep Is Your Love“. За првата награда, Харис ѝ се заблагодари на Ријана, но од својот говор ја изостави својата поранешна девојка Тејлор Свифт, која тајно учествуваше во пишувањето на песната.
Видео
Во рацете на Дрејк пак заврши наградата за Најдобро хип-хоп видео за „Hotline Bling“, додека женската група Fifth Harmony победи во категориите Најдобра соработка за „Work From Home“ со раперот Ty Dolla Sign и Песна на летото за „All In My Head“.
Целосната листа на победници можете да ја погледнете тука.