Таткото на Ријана го напушти овој свет на 70-годишна возраст.
37-годишната пејачка, која е бремена со третото дете, тагува по Роналд Фенти со кого имаше променливи односи во текот на животот. Тој почина вчера во Лос Анџелес, а точната причина за смртта сè уште не е објавена. Според информациите, Фенти починал по „кратко боледување“.
Ријана има отворено зборувано за зависноста на татко ѝ од дрога и алкохол, која водела до физичко насилство во нивниот дом. Роналд ја малтретирал и тепал сопругата Моника, а Ријана честопати застанувала меѓу нив за да ги раздели. Караниците ѝ предизвикувале толку силни главоболки на пејачката, што докторите дури помислувале и дека има тумор.
Роналд и Моника се развеле кога Ријана имала 14 години и нејзината здравствена состојба започнала да се подобрува.
Бидејќи мајка ѝ морала да работи прекувремено за да го прехрани семејството, таа ги преземала обврските околу грижата за нејзините браќа. Копнежот да избега од насилниот татко ѝ бил движечка сила за да ја лансира својата музичка кариера на
Ријана повеќепати имала јавни проблеми и конфликти со Роналд, а во 2019 година го тужеше затоа што се обидувал да ја искористи нејзината слава за да заработи пари.
Нивната врска се подобрила во изминатите неколку години, а тој бил пресреќен кога во 2022 година дознал дека ќе добие внуче.
Ријана е во врска со раперот Ејсап Роки од 2021 година. Нивниот прв син се роди во 2022, а вториот син во 2023 година. Во мај, на овогодишната МЕТ гала, Ријана се појави со пораснато стомаче и потврди дека го очекува третото дете.
