Уште еден холивудски брак се распадна. Бен Афлек и Џенифер Гарнер објавија дека се разделуваат, само еден ден по нивната 10-годишнина од бракот.
„Продолжуваме напред со љубов и пријателство еден за друг и обврска заедно да ги растеме нашите деца, чија приватност бараме да биде почитувана во овој тежок период“ – се вели во заедничкото соопштение на парот, кој дополнува дека ова ќе биде нивниот единствен коментар за фамилијарните односи.
42-годишниот актер и 43-годишната актерка имаат три деца. Тие се запознаа на снимањето на филмот „Daredevil“, а стапија во брак на 29 јуни 2005 година.
