Драгана Мирковиќ ретко споделува приватни моменти на социјалните мрежи, но сега одлучи да им дозволи на обожавателите да ѕирнат во специјален момент за нејзиното семејство.
55-годишната фолк пејачка објави фотографии од гламурозната прослава за 21-виот роденден на нејзината ќерка Мануела.
На фотографиите од бајковитата роденденска забава, Драгана позира со славеничката Мануела, синот Марко и сопругот Тони Бијелиќ.
„Бајка за мојата принцеза. Досега не објавував ништо од приватните случувања, бидејќи некако љубоморно си ги чував тие моменти за мојата фамилија. Но, сега почувствував потреба тоа да го споделам бидејќи вие го заслужувате, затоа што споделувате сè со мене и сте дел од мојот живот“ – напиша Драгана, која запеа на прославата.
